Të tjera telashe shtohen për Panuçin përpara ndeshjes së Tetorit me Spanjën dhe më pas me Italinë. Një pjesë e lojtarëve titullarë pritet të mungojnë sa për shkak të dëmtimeve po aq edhe ndëshkimeve me kartona.
Situata shfaqet “kritike” për sa i përket ndeshjes me Spanjës, ku Mavraj, Kukeli e Roshi janë të pezulluar, ndërsa listës të mungesave për këtë ndeshjeje i bashkohet edhe Abrashi dhe Balaj, për shkak të dëmtimeve.
Ndërkohë kësaj liste prej ditës së sotme duket se do t’i shtohet edhe mesfushori Andi Lila, i cili është dëmtuar.
Lila i cili luajti si titullar në ndeshjen me Spanjën, ka kërkuar ndërrim në minutën e 43-të të ndeshjes së kampionatit grek mes PAOK-ut dhe PAS Janinës.
Ende nuk është bërë e ditur nëse dëmtimi i Andi Lila është aq i rëndë sa të ta detyrojë mesfushorin të qëndroj jashtë fushës së gjelbër shumë gjatë.
(E.K/SHUPLAKA)
Discussion about this post