9 fëmijë janë helmuar në shkollën 9-Vjeçare në Shupenzë të Bulqizës, ndërkohë që 5 prej tyre janë shtruar në spital.
Mësohet se Inspektoriati Shtetëror Shëndetësor ka nisur hetimet për helmimin e nxënësve, dhe gjithashtu kanë mbyllur klasën ku ka ndodhur ngjarja.
ISHSH shprehet se një lëndë kimike e shpërndarë në ajër ka sjell probleme tek nxënësit.
“Një lëndë e shpërndarë në ajër ka sjell probleme. Mbyllja e klasës do të mbahet e mbyllur deri në matjen e lëndës kimike. Do të mbahen nën vëzhgim të gjithë fëmijët.”
Ndërkohë, një prej nxënësve që u helmuan, është nisur drejt Tiranës për të marrë ndihmë mjekësore më të specializuar për shkak se gjendja e tij paraqitet e komplikuar.
Burime për Fax News bëjnë të ditur se dy ambulanca kanë transportuar nxënësit drejt spitalit të Peshkopisë.
Dyshohet se fëmijët janë helmuar nga një deodorant i cili është përhapur në klasë, duke shkaktuar simptoma tek fëmijët.
(K.H/Faxweb.al)
