Ka shkuar në 377 numri i personave të prekur nga koronavirusi në vendin tonë, ndërkohë që në Has bëhet e ditur se brenda 24 orëve janë konfirmuar tre raste të reja.
Bëhet e ditur se të tre rastet e konfirmuara me covid-19, janë punonjës të Policisë Kufitare të pikës Qaf-Prushit, në Has, të infektuar nga kolegu i tyre i infektuar pak ditë më parë.
Të tre punonjësit e policisë kufitare tashmë i janë nënshtruar izolimit së bashku me familjet e tyre, në fshtatrat Tregtan e Nikoliç, ndërsa punonjësi tjetër i policisë në qytetin e Krumës. Tre rastet e reja nuk kanë asnjë lidhje familjare me rastet e mëparshme.
Punonjësit tashmë kanë vënë në rrezik edhe stafin ku punojnë pasi sipas informacioneve janë rreth 20 punonjës të policisë Kufitare të dy shteteve Kosovës dhe Shqiperisë.
