Rritet bilanci i viktimave, pas ortekut që goditi një hotel në Itali. Mediat italiane shkruajnë se autoritetet kanë nxjerrë nga rrënojat e hotelit trupin i një gruaje, duke e çuar kështu në 7 numrin e viktimave.
“Tg.com” raporton se trupi i të ndjerës, identiteti i së cilës nuk bëhet i ditur, ishte zbuluar në një dollap afër zones së kuzhinës dhe barit.
Ndërkohë kërkimet vazhdojnë për të zbuluar trupat e viktimave të tjera, pasi shpresat për të nxjerrë persona që ende marrin frymë janë shuar me kohë, duke qenë se kanë kaluar gati 5 ditë nga ngjarja.
Hoteli “Rigopiano” u godit më 18 janar nga një ortek me rreth 60.000 tonë borë, si pasojë deri më tani rezultojnë të kenë humbur jetën 7 persona, 23 të tjerë rezultojnë të zhdukur, ndërsa vetëm 9 persona kanë shpëtuar.
Gjatë ditës së sotme, ekipet e shpëtimit kanë nxjerrë nga rrënojat edhe tre këlyshë. (D.D/Shuplaka)
Discussion about this post