Ndriçim Shtubina është shprehur i kënaqur për pikën e marrë ndaj Skënderbeut në “Loro Boriçi”.
Në një bisedë për “SuperSport”, kapiteni i Vllaznisë foli për formën e tij të mirë që po kalon me skuadrën dhe ecurinë positive të saj.
“Po kaloj një formë të mirë, nuk më takon mua të flas për objektivat, por duhet të vazhdojmë të qëndrojmë me këmbë në tokë. Kur merr rezultate të mira me skuadra të vështira është pozitive. Skuadra ka më shumë cilësi, megjithëse pjesa sulmuese është pak vështirë, ashtu siç vuajnë të gjitha skuadrat. Unë jap maksimumin qoftë si sulmues, qoftë si mesfushor”.
I pyetur se çdo të thotë të mbash shiritin e kapitenit te Vllaznia, Shtubina theksoi që është një përgjegjësi dhe kënaqësi e madhe të udhëheqë ekipin e shkodrës.
“Është një përgjegjësi e madhe edhe kënaqësi gjithashtu për të pasur shiritin e kapitenit. Ashtu siç përmendet kapiteni Sinani, legjenda e Vllaznisë, ashtu kam dëshirë të përmendem dhe unë një ditë”.
