Rektorati i Universitetit të Tiranës ka lëshuar një udhëzim ku u kërkon fakulteteve t’u krijojnë kushte atyre studentëve që kanë vështirësi në pagesën e tarifës në mënyrë të menjëhershme, që ta paguajnë atë me dy këste.
Kështu studentët mund të futen në provimet e semestrit të parë, pavarësisht se nuk e kanë paguar akoma tarifën e shkollës.
Sipas rektoratit kësti i parë duhet të paguhet deri me 28 shkurt ndërsa kësti i dytë deri më 31 maj 2017.
Ky vendim ka ardhur si pasojë e dorëzimit të kërkesës me dy mijë nënshkrime, që është bërë nga studentët për mospenalizimin e studentëve që nuk kanë mundësi ta paguajnë këtë tarifë.
Sakaq studentët janë shprehur se kjo është një fitore e vogël drejt qëllimit të madh për arsim publik sipas mendjes dhe jo sipas xhepit. (K.P/Shuplaka)
