Gjatë ditës së sotme Kuvendi ka vendosur pro shtyerjes së afatit për krijimin e Komisionit Parlamentar për Reformën Zgjedhore.
Kuvendi miratoi sot zgjatje me një muaj të afatit për Komisionin e Reformës Zgjedhore. Ky vendim u miratua me 75 vota pro, 15 kundër dhe 4 abstenim nga 88 deputetë të pranishmë në Kuvend.
Deputetja e dalë nga lista shumëemërore e qarkut Dibër nga lista e LSI-së është e vetmja nga opozita e re e cila është deklaruar pro zgjatjes së afatit për Komisionin e Reformës Zgjedhore, ndërkohë pjesa tjetër ka votuar kundër.
Gjatë diskutimeve në Kuvend për Reformën Zgjedhore, Mara është shprehur se është pro zgjatjes së afatit për të ngritur një Komision Parlamentar lidhur me ndryshimet në Kodin Zgjedhor.
Ajo është e vetmja deputete nga radhët e opozitës që është rreshtuar pro këtij propozimi pasi pjesa tjetër e deputetëve, qoftë nga radhët e PD-së qoftë nga radhët e LSI-së janë shprehur kundër.
Ndërkohë, deputetja Rudina Hajdari tha gjatë fjalës saj në Kuvend se është e papranueshme që Damian Gjiknuri u shpreh dje se Komisioni pret ende PD-në, teksa tha se Oerd Bylykbashki nuk është më deputet në Kuvend, dhe është vetëm një qytetar i lirë. Ajo ka sulmuar dhe marrëveshjen e 2008-tës mes Sali Berishës dhe Edi Ramës për Reformën Zgjedhore.
“Komisionit të reformës zgjedhore i ka mbaruar mandati, që në datën 21 shkurt pa bërë asgjë, ju nuk e keni bërë marrëveshjen me opozitën e re që është këtu sot. Erdhi si erdhi puna kjo është një gjë që i përket së shkuarës, ne duhet të ecim para, por më erdhi keq që deklarata e Gjiknurit është ajo cka ndodh në 30 vitet e fundit. Gjiknuri pa pikë turpi i shtriu dorën opozitës dhe tha duhet të bëheni pjesë”, deklaroi ndër të tjera Hajdari (lexo këtu).
Më tej, gjtaë punimeve në Kuvend, ka patur edhe debate lidhur midis përfaqësuesve të mazhorancës dhe deputetëve të rinj ku Rudina Hajdari ka akuzuar drejtpërdrejt ish-ministrin Damian Gjiknuri për blerje të votave, vepra korruptive si dhe nuk la pa përmendur as SPAK-un (lexo këtu).
Kërkesa për shtyrjen e afatit për ngritjen e komisionit të Reformës Zgjedhore u dha nga mazhoranca cili tha se duhet ti jepet kohë PD-së dhe ti lihet vendi bosh në Komision.
(F./GJ/FAXWEB.AL)
