Vetëm disa minuta më parë ka përfunduar procesi gjyqësor për çështjen “Veliera” në Durrës. Por sot nuk është marrë asnjë vendim dhe është vendosur që seanca e rradhës të zhvillohet në datën 29 shtator, pra këtë të premte. “Shuplaka”mëson se ky vendim u mor me motivacionin për ta njohur më mirë çështjen. Gjyqtarët kërkuan kohë të njihen me çështjen më të njohur mediatike, “Velirën” e cila prej muajsh është trajtuar shumë edhe mediatikisht.
I panishëm në seancën gjyqësore është edhe ambjentalisti Sazan Guri. Sazan Guri ka deklaruar se Ministrja e Kulturës është e përfshirë në zallamahinë e krijuar. Sipas tij politika po ndikon në vendimet e drejtësisë. Ndërsa avokatja Mirela Jorgo e quan të padrejtë këtë shtyrje pasi sipas saj lë vend për kompromis.
Po kështu mësohet se Bashkia e Durrësit ka kërkuar nga ana e saj heqjen e masës së sekustros për projektin në fjalë .
Kujtojmë që çështja “Veliera” është tashmë për gjykim ku shoqëria civile, bashkia Durrës, Ministria e Kulturës dhe firma ndërtuese kanë paraqitur dokumentat me pretendimet e tyre për vazhdimin apo jo të punimeve në këtë zonë.
Prej disa muajsh një debat i madh është nisur për çështjen “Veliera” pasi pretendohet se po shkatërohen dhe po ndërtohet mbi objektet arkeologjike në këtë zonë nga Bashkia e Durrësit. Nuk kanë qenë të pakta edhe protestat nga shoqëria civile. (J.V/Shuplaka)
