Premiera e shfaqjes “Mendohu Xhakomino” e parashikuar të vihej në skenë më 2 shkurt është shtyrë për shkak të gjendjes fizike jo të mirë të aktorëve Robert Ndrenika dhe Arben Derhemi.
Në një konferencë për shtyp, regjisori Milto Kutali, u shpreh për “Ora Neës” se premiera është zhvendosur të shtyhet deri në përmirësimin e gjendjes së dy aktorëve që luajnë në të.
Edhe drejtoresha e Teatrit të Metropolit është shprehur se shtyrja në pak ditë në të tilla raste është e mirëkuptueshme.
“Unë si përfaqësuese kryesore e institucionit, do t’iu kërkoj mirëkuptim të gjithë atyre që kanë prerë biletat, se ne do ti respektojmë të gjitha prenotimet që janë bërë dhe ato të spostohen në javën në vijim, përkatësisht ata që kanë blerë biletën për të premten do të shohin shfaqjen të premten që vjen. Pra, premiera nuk do jetë në datën 2 shkurt sikurse ne e kishim lançuar por do të jetë në datën 8 shkurt, për t’i dhënë kështu mundësi jo vetëm Ndrenika por edhe disa aktorëve të tjerëve të stafit”, mësohet të ketë thënë Jonida Beqo, drejtoresha e Qendrës Kulturore Tirana, (Teatri Metropol). (XH.A/SHUPLAKA)
