Seanca gjyqësore për anëtarët e grupit të Emiljano Shullazit është shtyrë për herë të shtatë në Gjykatën e Apelit për Krime të Rënda.
Shkak u bë mos prania e avokatit të Gilmando Danit, Denion Bogdanit, dhe kërkesa e të pandehurit Blerim Shullazit për përjashtimin e kryesueses së trupit gjykues, Saida Dollani.
Në sallë pati debat mes Blerim Shullazit dhe gjyqtares Dollani, Shullazi i tha që nuk duhet të më gjykoni ju.
Blerim Shullazi u shpreh se ju më keni gjykuar edhe njëherë tjetër pa avokat.
Një pjesë e trupës gjykuese është ndryshuar, për shkak të shkarkimit të Fehmi Petkut nga Vetting-u.
Me ndryshimin e trupës gjykuese, procesi rifillon që nga fillimi, ndërsa nuk merren për bazë vendimet e dhëna në seancat e kaluara.
Me kërkesë të prokurorit të çështjes, Isa Jata, gjykata vendosi të pezulloj afatet e paraburgimit për Gilmando Danin.
(E.K/FAXWEB.AL)
