Gjykata vendosi të shtyjë sërish seancën për ish-deputetin Mark Frroku. Mësohet se avokatët e tij mbrojtës kërkuan kohë për të realizuar mbrojtjen e tij. Duke marrë parasysh këtë kërkesë, seanca u shty për t’u zhvilluar në datën 20 prill
Mbi ish-deputetin Mark Frroku rëndojnë disa akuza, si ajo e për “fshehje të pasurisë” dhe “ndërtim të paligjshëm”, si dhe akuza e vrasjes të kryer në Belgjikë.
Kjo nuk është hera e parë që shtyhet seanca për Frrokun. Seancat ndaj tij janë shtyrë për shkak të mungesës së prokurorëve të çështjes, përfaqësues së organit të akuzës, si në rastin e mungesës së Anisa Qilimit. Në seancën e 10 marsit, prokurori tjetër Adriatik Cama deklaroi se nuk mund të japë konkluzionet pa konfirmimin e koleges.
(XH.A/SHUPLAKA)
