Rritet bilanci i sulmit me kamion në rrugët e Stokholmit. Deri më tani raportohen të kenë vdekur të paktën katër persona dhe 15 të tjerë u plagosën. Nga ana tjetër një person është ndaluar si nga të dyshuarit kryesor për sulmin.
“Mund të konfirmoj se katër persona kanë humbur jetën dhe 15 të tjerë janë plagosur”, deklaroi një zëdhënës i policisë duke shtuar se një person ishte arrestuar pa dhënë detaje për identitetin e tij.
“Një kamion, sipas imazheve të publikuara në media, ka hyrë mes kalimtarëve në qendër të Stokholmit duke plagosur disa persona”, theksoi policia suedeze.
Sulmi, mbi të cilën policia nuk dha shumë detaje ndodhi pak para orës 13:00 GMT në afërsi të një dyqani të madh, në kryqëzimin e një arterie të rëndësishme dhe në rrugën për këmbësorë më të frekuentuar të kryeqytetit. (E.K/SHUPLAKA)
Discussion about this post