“Shtyrja e afatit të koalicionit”, Meta-Blushit: S’mbaj përgjegjësi për çështjen e procedurave, ishte dëshirë dhe vullnet

Pas reagimit të tij mëngjesin e sotëm, deputeti Ben Blushi i ka qëndruar vendimit të LIBRA-s edhe gjatë fjalës së tij në Kuvend, ku deklaroi se koalicioni ka rënë ndaj KQZ nuk mund të shtyjë datën, ku nuk i kursey akuzat ndaj deputetit Gramoz Ruçi.

I ndjerë i detyruar për të reguar, menjëherë pas fjalës së Blushit, kreu i Kuvendit, Ilir Meta, deklaroi se nuk mban përgjegjësi për çështjen e procedurave, por bëhet fjalë për dëshirën dhe vullnetin për të shmangur një krizë më të madhe se ajo procedurale.

“Nuk mbaj përgjegjësi për çështjen e procedurave, por kam përshtypjen që dëshira dhe vullneti ka qenë për të evituar një krizë më të madhe se ajo procedural. Për t’i dhënë mundësi PD-së e partive të tjera që nuk janë regjistruar, që të përfshihen. E për çështjen e presidentit, qëllimi nuk ka qenë për të shtuar raundet,  megjithatë kushdo që është kundër këtyre veprimeve procedurale mund të ndjekë rrugën institucionale. Besoj se të gjithë biem dakord që zgjedhet të bëhen me opozitën.”, u shpreh Meta për të vazhduar me seancën plenare.