Ministri për Europën dhe Punët e Jashtme, Ditmir Bushati, ka reaguar pas vendimit të ministrave të Jashtëm të BE të cilët vendosën shtyrjen e hapjes së negociatave pë Shqipërinë në qershor 2019.
Përmes një postimi në Twitter Bushati shpreh falenderime për vendet anëtare dhe thotë se kjo ishte një ditë e mirë për të gjithë.
“Një ditë e mirë për Shqipërtinë dhe Maqedoninë. Sigurisht për të ardhmen e Europës gjithashtu! Faleminderit të gjithë Shteteve Anëtare të BE-së dhe Komisionit Evropian për mbështetjen!”, shkruan ai.
Pak më parë ishte Komisioneri europian për Zgjerimin, Johannes Hahn I cili përmes një mesazhi në “Twitter” teksa deklaroi shtyrjen e negociatave, shprehu kënaqësinë që KE sheh dritë mbi konkluzionet e zgjerimit, për Shqipërinë dhe Maqedoninë e Veriut.
“Rrugëtimi drejt hapjes së bisedimeve të anëtarësimit në qershor të vitit 2019 është i qartë. Një sinjal kyç ky për rajonin se progresi i bërë shpërblehet, sikurse edhe vendimtar për besueshmërinë e vet BE-së”, shkruan Hahn. (B.H/Faxweb)
Discussion about this post