Vendimi i gjykatës së Colmarit për të shtyrë vendimin për liderin kosovar Ramush Haradinaj nuk është pritur mirë nga qytetarët në Kosove. Edhe vetë Haradinaj u shpreh i zhgënjyer me këtë vendim duke thënë se ai ka mbetur peng i qëllimeve politike.
Mijëra qytetarë janë ngritur sot në protestë në qendër të Prishtinës, me kërkesën për lirimin e Ramush Haradinajt, i cili po mbahet në paraburgim nga autoritetet franceze.
Protesta është organizuar nga Aleanca për Ardhmërinë e Kosovës, lider i së cilës parti është Haradinaj, ndërsa është përkrahur edhe nga partitë tjera opozitare dhe shoqatat e dala nga lufta e UÇK-së.
Që nga ndalimi i Haradinajt më 4 janar nga policia franceze, në disa vende evropian ku ka qytetarë shqiptarë, është protestuar për lirimin e ish-kryeministrit Haradinaj. (E.K/SHUPLAKA)
