Në një kohë kur partitë e opozitës kanë firmosur një koalicion për zgjedhjet, që sipas tyre nuk do të mbahen, sa kohë që nuk garantohet liria e tyre, ambasadori i OSBE-së ka mbledhur disa prej kryetarëve të partive të vogla.
Bernd Borchardt ka përsëritur deklaratën e tij, se ndërkombëtarët nuk do të ndërhyjnë që palët të gjejnë një zgjidhje, pasi sipas tij, janë partitë politike që duhet të gjejnë zgjidhjen më të mirë.
Ndërkohë që i pyetur nga gazetarët për mundësinë e shtyrjes së zgjedhjeve, siç ndodhi në 2017-tën, ambasadori u shpreh skeptic rreth të mirave dhe përfitimeve që mund të sillte kjo.
“Zgjidhja nuk na takon ne, Ne i inkurajojmë partitë politike që të gjejnë një zgjidhje. Japim propozime, por fjala e fundit i takon atyre. Politikanët duhet të marrin vendimin, se çfarë është më e mira për popullin e tyre.
Për momentin ne kemi një datë zgjedhjeje. Ndryshimi i datës është një proces i komplikuar. Sigurisht shtyrja është një mundësi, por a është një mundësi e mirë. Çfarë të mire mund të sjellë sot”, tha Borchardt.
Ndërkohë që në një reagim të pak minuatve më parë në rrejetet sociale, kryeministri Rama ka theksuar se zgjedhjet as nuk do të shtyhen as nuk do të prishen.
“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki”, shkruan Rama.
(E.K/FAXWEB.AL)
Discussion about this post