Elseid Hysaj nuk do të jetë tek Chëlsea edhe nëse Sarri arrin të marrë drejtimin e skuadrës londineze. Për këtë ka folur menaxheri i mbrojtësit shqiptar, Mario Xhiufredi duke shtuar se shkodrani do të qëndronte nën urdhrat e trajnerit të Carlo Ancelotit.
“Është e mundur që Sarri të kërkojë disa futbollistë të Napolit nëse merr drejtimin e Çelsit. Hysaj? Do të qëndrojë te Napoli! Ajo e kalimit te Çelsi është një hipotezë që vështirë se mund të merret në konsideratë”-tha ai.
Mediat italiane nuk kanë qëndruar në heshtje, por kanë shkruar se napolitanët po mendojnë të mbajnë futbollistin e Kombëtares së Shqipërisë, kundrejt një përforcimi të vlerës financiare.
(B.H/Faxweb)
Discussion about this post