“Shullazi” kallëzon penalisht dy prokurorë: Falsifikuan dokumentet, pezulloni përkohësisht gjykimin ndaj nesh

Emiljano Shullazi dhe disa bashkëpunëtorë të tij kanë kallëzuar penalisht dy prokurorë, të cilët i akuzojnë se i kanë falsifikuar dokumentet për t’i fajësuar pa të drejtë. Konkretisht, të pandehurit u shprehën se dy procesverbalet e marrjes në pyetje të Beqjas janë falsifikuar. 

Sipas tyre, ato kanë të njëjtën datë dhe të njëjtën orë dhe disa thënie në to janë të kundërta. Nisur nga ky pretendim, ata kërkuan pezullimin e gjykimit ndaj tyre deri në sqarimin e plotë të pozicionit të prokurorëve të kallëzuar, referuar raportimit të “Shqiptarja.com”. Trupi gjykues pranoi që kallëzimi të depozitohet në Prokurori.

Emiljano Shullazi së bashku me Gilmando Danin, Endrit Qyqjan, Endrit Zelan, Blerim Shullazin u arrestuan një vit më parë me dyshimin se kërcënuan me jetë Mynyr Konin e Dhori Kulen për t’u tërhequr nga gara për Rektor në Universitetin e Tiranës.

(XH.A/SHUPLAKA)