Seanca e sotme e procesit gjyqësor në ngarkim të Emiliano Shullazit dhe katër të pandehurve të tjerë është shtyrë për shkak të mungesës së avokatëve.
Avokatët Vladimir Meçe dhe Elton Domi mungonin në seancë për arsye shëndetësore, ndërsa gjykata i kërkoi të pandehurit Endrit Zela të zgjidhte një tjetër avokat. Në përfundim trupi gjykues vendosi të thërrasë seancën e radhës më 23 shtator në 11:00.
Kujtojmë se pak javë më parë Shullazi la qelinë dhe përfundoi në një spital privat për kurim mjekësor, ndërkohë që u ngritën dyshime që edhe mund të kishte zhvilluar ndonjë takim.(Lexo këtu)
Grupi i Shullazit është dënuar me 55 vite burg në total nga Gjykata e Shkallës së Parë të Krimeve të Rënda por vendimi u apelua. Emiljano Shullazi u shpall faktor për gjobëvënien ndaj biznesmenit Ylvi Beqja dhe Jani Zako, por shpëtoi nga akuzat për shkatërrim të pronës me eksploziv për dy raste dhe kanosjes së dy profesorëve Mynyr Koni dhe Dhori Kule.
(M.Q/Faxweb.al)
