Në nismën e prezantuar sot, Rama deklaroi në konferencën për shtyp se nuk mund të pritet më sa i takon legalizimit të kanabisit.
Ai theksoi se shumë vende po e përdorin për bimë mjekësore dhe për të forcuar bizneset dhe është diçka që nuk mund të mos merret në konsideratë.
Kryeministri tha ndër të tjera se qeveria do të angazhohet dhe në fusha të ndryshme, me të punësuarit që sipas tij janë viktima të pagave fiktive, pensionistët dhe pandeminë.
Pjesë nga fjala e kryeministrit
Rama: Problem tjetër madh është ai i të punësuarve, janë viktima të pagave fiktive. Ne duhet të angazhohemi për tu dhënë një shpërblim atyre që mund të denoncojnë. Ne si shtëpi e përbashkët të angazhohemi financiarisht ndaj këtyre njerëzve.
Në pamje të parë duket sikur konsensusi është logjik por ne duhet të sigurohemi që kemi mbështetjen e një shumice që na ka votuar por edhe përtej saj. Gjithë ky pyetësor shkon në këtë drejtim. Mënyra si funksionon shtëpia jonë sot, ka pasur dëme të vazhdueshme nga ndasia dhe sherri politik.
Temë tjetër është ajo e pensionistëve që punojnë.
Kultivimi dhe përpunimi i motinoruar i kanabisit për qëllime mjekësore është instrument që shumë e përdorin për të fuqizuar bizneset e tyre.
Dhe unë mendoj se duhet të legalizohet, nuk mund të presim më.
Ne na duhet më shumë sesa bindja jonë, të kapërcejmë përtej kartonit dhe shumicës dhe të marrim një opinion shumë më të gjerë. Pandemia, po zgjat e po bëhet dhe bëhet e lodhshme.
(E.D/faxweb.al)
