Protesta e opozitës u shoqërua nga një klimë mjaft paqësore dhe pa asnjë incident. Mirëpoo për disa minuta te ‘’Shqiponja’’ u bllokua një ambulancë që sipas informacioneve transportonte një të sëmurë nga Fieri.
Ndërkohë te ‘’Pallati me Shigjeta’’ protestuesit i kanë hapur rrugën një tjetër ambulance. Në fakt protesta e opozitës ishte e paralajmëruar dhe ambulancat duhet të kishin një plan ‘’B’’ për transportin e të sëmurëve, qoftë edhe nga ajri.
Ndërkohë që në rrjetet sociale kanë vërshuar komentet në lidhje me protestën. Gazetari Sokol Shameti rikthen në vëmendje protestën e Partisë Socialiste në vitin 2010. Sipas tij protesta e udhëhequr nga Armando Prenga nuk i hapi rrugën një funerali që donte të kalonte.
‘’Shumë qesharak ky bllokimi i rrugëve nga PD. i paharrueshëm rruge ishte ai i 11 majit 2010 në Lezhë, kur Armando Prenga nuk lejoi as kalimin e një funerali, i revoltuar siç ishte nga mos-hapja e kutive dhe shkelja e standardeve demokratike në zgjedhje’’, shkruan gazetari. (E.K/SHUPLAKA)
