“Shumë shpejt Dako do të lërë qelinë”, Karamuço: Dako nuk i plotëson kriteret për burg

Për ekspertin Ervin Karamuço, ish kryebashkiaku i Durrësit Vangjush Dako, nuk i plotëson kriteret për masën e arrestit me burg.

“Ka sjellë dëm ekonomik. Nuk e shikoj në burg, sepse nuk plotëson kriteret për të qenë, në rastet e tjera, nuk i intimidon dëshmitarët. Është gjykuar përkohësisht. Ende s’ka vepër tjetër penale”, tha eksperti Ervin Karamuço në Top Story.

Gazetarja Anduena Llabani tha se shumë shpejt, Dako do të lërë qelinë.

“Me këto akuza, nuk duhet të kishte masë arresti, e shoh të tepër, edhe për shkak të kushteve me të cilat Dako është sjellë karshi hetimit. Këto janë elementë kyç që çojnë në masën që vendos gjykata.

E shoh proces të lehtë për Dakon. Pavarësisht se janë 200 banorë që pretendojnë që nga papërgjegjshmëria e zyrtarëve kanë humbur pronën apo shtëpinë e tyre, e shoh shumë të lehtë “shpërdorim detyre”.

Pavarësisht peshës që ka ky personazh, e shikoj si “peshkun e madh” por a do të jetë procesi i vërtetë gjyqësor, këtu kam pikëpyetjet e mia. Fakti që përfundon në “shpërdorim detyre”, shikoj që pozitat e tij në raport me masën e sigurimit, shumë shpejt Dako do të lërë qelinë.”-tha gazetarja Anduena Llabani.