Ditën e sotme deklaratat në lidhje me rolin e ndërkombëtarëve në vendin tonë janë bërë mjaft të shpeshta. Opozita që i akuzon për të korruptuar dhe mazhoranca që iu del në mbrojtje.
Për sekretaren e rinisë në PS Elisa Spiropali deklaratat e opozitës janë të papranueshme. E ftuar në intervistën e mbrëmjes në RTV Ora Neës, ajo e sheh këtë qasje të opozitës si të përkohshme, pasi ka bindjen se do ti thërrasë arsyes.
‘’E kanë shpallur sot vettingun një projekt mafioz me komplecitetin e ndërkombëtarëve dhe partnerëve tanë, ambasadorëve. Një retorikë që nuk ishte dëgjuar prej kohësh dhe nuk i bën mirë. Kemi largim të opozitës nga qasja pro BE.
Mendoj se është e përkohshme, shumë shpejt do ti thërrasin arsyes dhe do kthehen në Kuvend. Thirrje të tilla janë të papranueshme në të gjitha kuptimet dhe duken si përpjekje e izoluar dhe e dëshpëruar e një grupi të vogël njerëzish që e quajnë veten drejtues të PD për të marrë peng të gjithë proçesin zgjedhor dhe institucionet e Shqipërisë’’ është shprehur Spiropali. (E.K/SHUPLAKA)
