Krerët më të lartë të shtetit shqiptar janë bërë bashkë ditën e sotme në Kuvendin e Kosovës.
Në këtë seancë për 10-vjetorin e pavarësisë po marrin pjesë edhe shumë personalitet nga rajoni dhe bota.
Të pranishëm nga Shqipëria janë Presidenti Meta, kryetarja e LSI-se, Monika Kryemadhi, kreu i Kuvendit Ruçi, kryeministri Rama, kreu i PD-së Lulzim Basha, si dhe ish-kryeminsitri Berisha.
Rama ka udhëtuar drejt Kosovës që prej dy ditësh, ndërsa nuk ka munguar as një konflikt i tij me kryeministrin Haradinaj. Po mesa duket sot gjërat janë sheshuar mes tyre.
Sot ai po mban edhe fjalën e rastit në Kuvend, ku shprehet se Kosova ka bërë mjaft hapa para edhe pse ka shumë rrugë për të bërë.
Pavarësisht ditës së veçantë festive kjo vizitë nga ana e krerëve të shtetit shqiptar, shkel edhe protokollin, i cili parashikon që presidenti, kryeministri dhe kreu i Kuvendit nuk mund të udhëtojnë jashtë shtetit në të njejtën kohë.
(E.K/FAXWEB)
