Kryetari i Partisë ZGJIDHJA, Koço Kokëdhima prej disa muajsh tashmë ndodhet në një betejë të hapurt me kryeministrin Rama ku e akuzon atë për gjendjen në të cilën ndodhet sot vendi.
Mes të tjerave i ftuar dje në studion e “360 Gradë” të Artur Zhejit, Kokëshima tha nuk ka kërkuar asnjëherë t’i zërë postin Gramoz Ruçit në PS, ndërsa zbuloi takimin me një zyrtar të lartë të Ministrisë së Brendshme dy ditë pas heqjes së mandatit të tij.
“Unë nuk e kam akuzuar Ruçin, por kam akuzuar Edi Ramën. Unë nuk kam aspiruar kurrë të jem sekretar i përgjithshëm. Unë kam propozuar Lindita Nikollën dhe Blendi Çuçin që të ishin përballë Gramoz Ruçit. Unë kam akuzuar Edi Ramën që bashkëpunoi me Saliun për të hequr mandatin tim.
Kisha dijeni që Edi Rama ka komplotuar për të hequr mandatin tim. Dy ditë pas heqjes së mandatit, një funksionar i lartë i Ministrisë së Brendshme ku një drejtor i Ministrisë së Drejtësisë fliste me një eksponent të drogës se e pastruam rrugën. Unë pyeta kush ka dijeni për këto përgjime, ai më tha se ka dijeni Saimir Tahiri. Ai tha se hetimet janë procedurale. Rama kishte qëllim të distancohej nga kjo histori”, shprehet Kokëdhima.
Po ashtu ai ka komentuar vizitën e Ramës në Bruksel ku tha se, Brukseli e dinte të vërtetën për Shqipërinë. “Dihet e vërteta e qeverisjes së Ramës, nuk ka asnjë dyshim që Brukseli ka dijeni të plotë për korrupsionin e pashembullt të qeverisë Rama, inkriminimin e policisë në situatën e drogës, për këtë situatë të rëndë që ka Shqipëria për standartet e munguara të demokracisë, tha Kokedhima.
Nuk është rasti i parë që institucionet e BE presin me tapet të kuq kryeministra të korruptuar kjo nuk do të thotë se ata nuk e dinë, tha Kokëdhima.
(E.K/FAXWEB)
