Në një kohë që vendi është në mesin e sezonit turistik, disa pamje mjaft shqetësuese vijnë sot nga qyteti i Pogradecit. Në Liqenin e qytetit pranë zonës së Tushemishtit, sipas denoncimit të qytetarëve derdhen ujërat e zeza.
“Çdo mëngjes në Tushemisht (Drilon), përballë syve të pushuesve derdhen ujërat e zeza. Era është e tmerrshme.
Kur po vrapoja sot në mëngjes u ndala dhe fola shumë i inatosur me punëtorët e “Ndërmarrjes Bord Kullimit”. Përgjigjja e tyre:-Ne bëjmë vetëm detyrën. Po na e dhunojnë Shqipërinë para syve”, thuhet në denoncimin e qytetarit për “Nisma Thurje’.
Kujtojmë se vetëm pak ditë më parë në mesin e ditës ujërat e zeza pushtuan Ksamilin, pamje të cilat tmerruan pushuesit dhe që nuk i shërbejnë aspak imazhit të vendit në këto ditë të sezonit turistik.
(E.K/SHUPLAKA)
