Edi Rama përmes Anri Salës po i tregon botës se si dëshiron që ajo ta shohë: një artist, si njeriun që nuk ka ndryshuar edhe pse u bë kryeministër.
Shikoni videon nga zyra e Edi Ramës dhe mesazhet që ai jep ndjekësve të Bienales së Venecias. Në sfond detajet e gazetarëve, medieve, takimeve me Fatmir Xhafajn etj, bluzat e basketbollit dhe zyra e tij me kod.
Në fakt Edi Rama nuk humbet asnjëherë rastin të shpalosë talentin që mendon se ka në pikturë. Njësoj siç krijonte ekspozita në New York me vizatimet e tij të famshme mbi fletë axhendash politike, të cilat duhet thënë se nuk i ka zhvilluar edhe aq më tej, edhe kësaj here është në kërkim të suksesit në Bienalen e Venecias.
Në stendën e Shqipërisë shihet fare qartë shndërrimi i saj thuajse në një zyrë të Ramës, me vizatimet e tij në mure, duke kopjuar identik muret e zyrës së tij në Kryeministri, të cilat i shndërroi pak pasi u ul në karrigen e pushtetit.
Por edhe në hyrje të bienales Rama ka ekspozuar një nga vizatimet e tij, ku artistët organizues kanë përshkruar në italisht se kush është artisti-kryeministër.
Të gëzohesh apo të shqetësohesh që Edi Rama është i vetmi që dominon jashtë Shqipërisë stendat e artit dhe kulturës?! /(V.G-Shuplaka)
https://www.youtube.com/watch?v=10zajMm58g0
