Kryeministri Edi Rama në një takim sot me deputetët e zgjedhur të PS-së ka ngritur edhe një sërë grupe punësh që do të punojnë në terren përgjatë muajit korrik. Rama deklaroi se gjatë muajit korrik qeveria do të ngrejë disa grupe pune në të gjithë Shqipërinë, të cilët do të vëzhgojnë situatën dhe do të paraqesin nga një raport për secilën çështje.
Një prej tyre është edhe grupi që do të kryesohet nga Niko Peleshi. Grupi i punës me në krye Niko Peleshin dhe politikanë të tjerë si Bledi Çuçin, Lindita Nikolla, Ogerta Manastirliun, etj do përgatisin një dokument për gjendjen ekzistuese të punësimit mbi baza farefisnore.
“Një grup pune i përbërë nga Niko Peleshi, Damian Gjiknuri, Bledi Çuçi, Lindita Nikolla, Ogerta Manastirliu duhet të analizojë organizimin administrativ në çdo sektor dhe të përgatisë një Dokument Rekomandimesh për reformën e administratës shtetërore. Ky dokument duhet të përmbajë një analizë të gjendjes ekzistuese si edhe një draft-projekt ristrukturimi të rrjetit të agjencive, inspektoriateve, zyrave kombëtare, rajonale e lokale; me propozime për shkrirjen, bashkimin, apo zgjerimin, rast pas rasti, të institucioneve ekzistuese. Edhe ky dokument duhet të jete gati për mbledhjen e Asamblesë Kombëtare të partisë, në fund të gushtit”, u shpreh Rama.
Nga ky grup pune përgjatë një muaji Rama do të marrë edhe më shumë informaciobe rreth punësimit në administratë. Gjithçka pritet të jetë gati për muajin shtator ku Rama do të formojë edhe qeverinë e re.
(J.V/Shuplaka)
Discussion about this post