E enjtja e djeshme ishte mjaft e nxehtë në ekranet më të rëndësishme televizive. Situata politike kishte bërë që liderët të pranonin të zbrisnin në terrenin e analistëve dhe gazetarëve.
Kreu i Kuvendit kishte zgjedhur ekranin e ‘Ora News’ me drejtuesin Dritan Hila, Edi Rama kishte zgjedhur emisonin e Ylli Rakipit, ndërsa Basha kishte zgjehdur emisionin ‘Opinion’ në ‘Tv Klan’.
Ajo që të binte në sy ishte dalja ‘jashtë loje’ e ‘Top Channel’. Sokol Balla nuk mundi të siguronte një nga liderët kryesorë ta kishte në studio dhe kishte zgjedhur një tjetër temë diskutimi.
Me një panel kryesisht ekspertësh diskutohej mbi ndikimin e konfliktualitetit politik në ekonomi. Padyshim një temë e rëndësishme edhe kjo po për sa kohë që gjithë vëmendja e shqiptarëve ishte e përqëndruar diku tjetër mund të thuhet pa më të voglin dyshim që ‘Top Story’ nuk ka qenë edhe aq i ndjekur. (E.K/SHUPLAKA)
