Personi në foto është Sadi Ceka, Shefi i Stacionit të Pikës Kufitare Triport në Vlorë i cili u dhunua pranë banesës gjatës natës.
Autorët i kanë ndjekur të gjitha lëvizjet duke i zënë pritë pranë banesës rreth orës 01:25, ndërsa ka qenë vetë i plagosuri që ka kërkuar ndihmë në polici.
Sipas policisë së qytetit bregdetar, 3 personat e kanë dhunuar dhe goditur 49 vjeçarin Sadi Ceka me sende të forta pranë banesës në lagjen ‘1 Maji’ ndërsa më pas janë larguar me shpejtësi.
Polici i plagosur është transportuar për ndihmë mjekësore në Spitalin Rajonal Vlorë, dhe aktualisht është jashtë rrezikut për jetën.
Policia ka nisur hetimet për zbardhjen e ngjarjes, identifikimin dhe arrestimin e autorëve.
Ndërsa vijon marrja në pyetje e policit që u dhunua, pasi për momentin dihet vetëm që ishin tre persona.
(E.K/SHUPLAKA)
Discussion about this post