Pas triumfit në Beograd, Izmir Smajlaj zbulon se si reaguan serbët për medaljen e artë por edhe për gjestin e tij në stadium kur ai bëri shqiponjën me duar.
I ftuar në studion e emisionit “Opinion” të gazetarit Blendi Fevziu, Smajlaj thotë se mediat serbe e cilësuan si skandal gjestin e tij.
“Më fërshëllyen në fillim dhe ngaqë bëra shqiponjën , dhe mediat serbe e bënë bujë si skandal. Por kur kërceva dhe hipa në podium, populli i Beogradit duartrokiti. Pritja ishte miqësore. Qëndrova 4 ditë në Beograd dhe çdo gjë ishte perfekte” tha Smaljaj.
Izmir Smajlaj u shpall kampion Europe në hedhje për së gjati në salla të mbyllura, në garat e zhvilluara në Beograd.
Atleti që i siguroi shqipërisë medaljen e Artë, realizoi një hedhje të parë 7,81 metra, poshtë pritshmërisë dhe aftësive të tij. Megjithatë ai nuk u dorëzua dhe në hedhjen e dytë realizoi gjatësinë 8,02 metra, një rekord i ri kombëtar, duke thyer atë që kishte vendosur vetëm pak ditë më parë. Në provën e tretë bëri një faull, ndërsa në të katërtën nuk realizoi një hedhje të plotë. Kjo sepse ai rrëshqiti në vendin e tretë në klasifikimin e përgjithshëm, i kaluar edhe nga ukrainasi Nikiforov.
Më pas në hedhjen e pestë Smajlaj kreu sërish faull, por në hedhjen e fundit dhuroi hedhjen perfekte, 8,8 metra. Kështu ai realizoi rekordin e ri kombëtar dhe u shpall Kampion Europe. (D.D/Shuplaka)
