Gjykata e Colmarit në Francë vendosi lirimin me kusht të Ramush Haradinajt. Deri në një vendim të dytë Haradinaj nuk do të mund të largohet nga Franca pasi dy herë në jave duhet të paraqitet në ambjentet e Gjykatës.
Qetësisht ai e priti këtë vendim, duke qenë i bindur fare mirë se Gjykata e Hagës atë e ka liruar nga të gjitha akuzat. ‘’Indeks Online’’, sjell dhe pamjet e Haradinajt në brendësi të ambjenteve të Gjykatës në Francë.
Haradinaj qëndronte nën arrest që prej datës 4 janar kur ai ishte ndaluar nga autoritetet franceze në aeroportin e Bazelit. Ndërkohë beteja ligjore do të vazhdojë pasi autoritetet serbe kanë paraqitur edhe fakte të tjera shtesë që do të merren në shqyrtim ditë më vonë. (E.K/SHUPLAKA)
