Valbona Selimllari zbulon se si është të punosh si këshilltare e kryetarit të bashkisë së Tiranës, Erion Veliaj.
Ish-misi i parë shqiptar tregon në emisionin “Pasdite në Top Channel”, se ftesën për t’u bërë pjesë e bashkisë ia ka bërë një mikeshë e saj si dhe vetë kryebashkiaku Veliaj.
Sipas Selimllarit, puna që ajo bën nuk ka lidhje me politikën dhe as me imazhin e saj si mis, apo vajzë e ekraneve.
“Kam mbetur e surprizuar nga ata fëmijë. Unë nuk e dija në fillim, por një pjesë e fëmijëve që kemi vizituar merreshin nga rruga dhe këshillohen pse nuk duhet të rrinë në rrugë. Unë ju kam dhënë edhe detyra atyre fëmijëve që trajtohen në qendrat sociale. U thashë që nëse sillen mirë, në fund të këtij muaji ne do këndojmë bashkë. Ishte diçka që më lindi nga shpirti dhe do ta mbaj fjalën”,tregon Selimllari.
Nga ana tjetër, ish-misi shqiptar tregon se si është njohur me Veliajn dhe si është të punosh me të.
“Erionin e njoh edhe më herët. Nëse propozimi për të qenë pjesë e bashkisë nuk do të vinte nga ai, unë nuk do isha në këtë pozicion. Është djalë punëtor dhe me ambicie. Më vjen mirë që edhe tani pas kaq vitesh kam gjetur atë Erionin që njoh unë. Ne personazhet e ekranit duhet të pranojmë se nuk na duan të gjithë. Ka edhe nga ata që thonë ‘tani që ke filluar këtë’ mendojnë se po merrem me politikë. Unë vlerësoj atë që bëhet dhe nuk kam qasje politike.”, shton Selimllari. (D.D/Shuplaka)
