Ka nisur me përplasje seanca e sotme në Kuvend ku po diskutohet në lidhje me përmbytjet që lamë pas. Ndërsa kryeministri Rama sy më sy kapet duke gënjyer në Kuvend, Berisha i nxjerr ‘’Ipod-in” dhe e bën të tërhiqet.
”Ne nuk i kemi kërkuar ndihma askujt, ne kemi pranuar çdo ndihmë që na është ofruar”, kështu u shpreh Rama, ku si duket harroi letrën e dërguar në NATO, publikuar në media asokohe. I menjëhershëm ka qenë reagimi i ish-kryeministrit Berisha i cili i nxorri në ”Ipod-in” e tij letrën nga qeveria shqiptare.
Pas kësaj Rama u shpreh: Kemi kërkuar ndihmë për urat, boll tani!
“Profesor ju jeni nga ata që e dini se sa bëjnë shtatë herë shtatë e megjithatë ju numëroni siç thotë Partia dhe jo siç thotë tabela. E more me britma të mëdha sot dhe shumë gjëra që janë nën nivelin tënd, e përmbyte komplet rrjedhën e logjikës.
Fole këtu sikur sapo zbritët nga një anije kozmike e ardhur nga hëna. Nda unë them përherë që kur ju dëgjon juve pyet: pse sot erdhën këta?! A nuk ishit ju ata që thoni që ndërtimet pa leje janë mrekullia e tetë e botës?! Ju keni qenë këtu KUR Saliu thoshte që ndërtimi pa leje i një qyteti është mrekullia e tetë e botës?! Ndërtimin në lumë e sollët ju, e bëtë Shqipërinë rast unikal.
Vini flisni këtu për ndihma, ju ikët nga pushteti pasi hoqët të gjitha rezervat nga Emergjenca e Shtetit, hoqët groshën dhe orizin e bëtë pilaf për vete. Mirë pilafin dhe groshët e keni ushqim të preferuar, po me çizmet ç’patët. Ne nuk kemi kërkuar ndihma askujt, ne kemi pranuar çdo ndihmë që na është ofruar”, u shpreh më herët Rama.
(E.K/FAXWEB)
Discussion about this post