Pak minuta pas vetëdorëzimit në Policinë e Tiranës, Odhise Andrea, ish-Këshilltari i Komisionit të Sigurisë në Parlament, njëherësh bashkëshort i gjyqtares së gjykatës së Lartë, Majlinda Andrea, mund të ketë hyrë në Shqipëri ilegalisht nga Kosova, ndërsa u arratis rreth 7 muaj më parë drejt Italisë me anije, në momentin që do ndalohej nga policia.
Të njëjtat burime saktësojnë se Andrea është parë në një kafe në rrugën “Myslym Shyri” pak para dorëzimit në polici.
Ai akuzohet se ka luajtur rolin e sekserit në një çështje të bashkëshortes së tij, ku akuzohen se kanë përfituar 50 mijë euro për të dhënë vendim në favor të një shtetaseje, për njohjen e një sipërfaqe toke rreth 40 hektarë, në zonën e Butrintit.
Prokuroria e Përgjithshme më 16 korrik 2016 zbardhi skemën e dhënies së parave si dhe personat e përfshirë në këtë skemë korruptive.
Për çështjen në fjalë janë arrestuar edhe shtetasit Ilia Çabiri, Petraq Dashi dhe Eleni Lino. (A.R/SHUPLAKA)
Discussion about this post