Kreu i opozitës Lulzim Basha dje ka qenë pjesë e emisionit “Opinion” të Blendi Fevziut. Ndryshe nga herët e tjera ky emision nuk u zhvillua në studio por në çadrën e demokratëve para kryeministrisë. Nuk kanë munguar debatet, aq më tepër kur një person i quajtur Leonard u fut në skenë dhe kërkonte të fliste por nuk u lejua nga Blendi Fevziu, pasi kjo gjë ishte një shpërdorim i medias dhe ky emision po kthehej në miting.
Debati:
Fevziu: Ta jap mbrapa fjalën të marr të hënën në “Opinion”.
Basha: Vetëm një sekondë
Fevziu: Nuk të lejoj pra tani. Do ta mbyll emisionin dhe nuk të lejoj, mos flit kot . Zoti Basha shif këtu, nuk është korrekte, zotrinë e marr unë unë të hënën në emision .
Basha: Kush të ka sjellë këtu?
Leonardi: Më ka sjellë, kam ardhur…
Fevziu: Nuk e lejoj, do mbyll emisionin, të lutem vazhdo te vendi. Zoti Basha ju këtu nuk mund të përfitoni për ta kthyer në miting, një emision televiziv. (Basha qetëson demokratët duke u bërë me shenjë që të pushojnë dhe të mos brohorasin: Basha, Basha…)
Basha: Blendi unë të fola me sinqeritet.
Fevziu: Jo nuk fole me sinqeritet, ky është shpërdorimi i medias. Ju nuk mund ta ktheni në miting një emision televiziv.
Basha: Media nuk është që t’i heqësh zërin qytetarëve. Por kam një mesazh edhe për median e kapur: Ju që i hiqni zërin qytetarëve ta dini që do të jeni pjesë e përmbysjes popullore që po vjen. (J.V/Shuplaka)
Discussion about this post