Nelgert Pata, i njohur si armiku i Elton Çiçës ekzekutuar në lokalin mes Bllokut në Tiranë, ka arritur t’i shpëtojë me shkathtësinë e tij një atentati më 21 gusht. Fat që nuk e pati më vonë.
Pikërisht në Rrugën e Kavajës, Pata nën shoqërinë e shokëve të tij është shenjëstruar nga një person, të cilit ka arritur t’i shpëtojë vetëm me një plagosje në vesh.
Pata ia mbath me të katra duke u përkulur, po kështu edhe shokët.
Në videon e publikuar nga ”Top Channel” 34-vjeçari është filmuar nga kamera e sigurisë afër tyre. Pata kishte pak kohë që kishte dalë nga burgu ku vuajti dënimin për shfrytëzim prostitucioni.
Policia e kishte shpallur në kërkim për moskallëzim krimi por ai kohë më vonë u ekzekutua, më 20 nëntor në Fier. Pista kryesore e hetimit për ekzekutimin e tij mbetet përplasja me bandat e drogës dhe trafiqeve në Tepelenë.
