Faxweb publikon pjesë nga dosja hetimore e 4 të arrestuarve lidhur me sasinë prej 3.4 milion eurosh të sekuestruar në Portin e Durrësit.
Sipas dokumetit të publikuar thuhet se Klevi Cani, Edi Lika, Alban Mollaymeri, Elvis Vladi dhe Alfred Vladi kanë bërë të njëjtën rrugë dhe dy herë të tjera brenda disa javëve, gjë që tregon për testim të kësaj forme të pastrimit të parave përmes transportit rrugor-detar, rrugëtime të cilat kanë rezultuar të sukseshme dy rastet e para.
Më tej thuhet se personat nën hetim çmohet se kanë rolin e vet specifik në këtë grup të strukturuar kriminal, i cili dyshohet se përbehet dhe nga persona të tjerë.
Shtetasi Elvis Vladi, ka qendruar në Belgjikë dhe dyshohet se është marrë më gjetjen e mjeteve me qellim transportin e parave që vijnë nga aktivitete kriminale.
Elvis Vladi pasi ngarkoi makinat në kamion u kthye nga Belgjika me avion katër dite para se te kapeshin makinat me 3.4 milionë euro. Edi Lika i tha shoferit në telefon, që të mos shkonte nga Ankona, por nga Bari.
Shtetasi Alfred Vladi do të bënte pritjen e mjeteve në portin e Durrësit dhe Alban Mollaymeri do të bënte ç’doganimin e tyre. Siç vihet se gjithsecili ka një rol specifik në këtë grup të strukturuar kriminal.
Në seancën e sotme, prokuroria kërkoi arrest me burg për të gjithë të arrestuarit. Gjykata e Durrësit vendosi të lërë pas hekurave të pandehurit dhe shpalli moskompetencë, duke e kaluar çështjen te Krimet e Rënda, duke qenë se ndaj të arrestuarve është ngritur edhe akuza si pjesë e një grupi të strukturuar kriminal.
(M.Q/Faxweb.al)
Discussion about this post