Një 63-vjeçar nga Përmeti i dha fund jetës në mënyrë tragjike mëngjesin e sotëm, duke u hedhur nga dritarja e dhomës në spitalin rajonal “Omer Nishani”, në Gjirokastër.
Dëshmitarët në vendngjarje, të cilët kanë parë gjithë skenën janë shprehur se i ndjeri ishte i shtruar në spital në pritje për tu operuar nga “hernia diskale” prej disa ditësh, ndërsa operacioni i tij ishte shtyrë për shkak të mungesës së anestezistëve.
Momentin që vendosi të kryente vetëvrasjen duke u hedhur nga ballkoni i dhomës, Gëzim Malkaj ka ngritur zërin disa herë dhe ankohej për dhimbje të mëdha në zonën e poshtme në rrëzë të kofshës dhe kërkonte që të ndërhyhej sa më shpejt, shkruan Jugu News.
“Unë po shkoj se vetëm kështu do më pushojnë dhimbjet”, -është dëgjuar të thotë pas një situate shumë të rënduar dhe depresionit të madh mendor, 64-vjeçari.
Shokët e dhomës kanë nxituar të ndalojnë aktin e Gëzimit por e kanë pasur të kotë pasi 63 vjecari, ka kapërcyer kangjellat e hekurta të ballkonit të dhomës dhe është hedhur poshtë me kokë.
Malkajt i ishte komunikuar dje se do të hynte në sallën e operacionit mëngjesin e të martës pasi e hëna si pushim nuk do të kryheshin operacionet e planifikuara. (M.D/ Shuplaka)
Discussion about this post