Ditën e djeshme kryeministri Edi Rama hapi garën në rrjetet sociale për të marrë sygjerime në lidhje me këngën që do të përdoret nga PS-ja në fushatë. Propozimet kanë qenë të shumta, mirëpo jo të gjitha janë lënë për t’u parë publikisht.
Aktivisti Altin Goxhaj ka bërë një propozim për këngën po duket se nuk i ka pëlqyer aspak kryeministrit Rama dhe stafit të tij.
Ka qenë vetë aktivisti i cili e ka bërë të ditur lajmin se komenti i tij që propozonte një këngë nga Koreja e Veriut është fshirë.
‘’Ja kenga e fushatës që i propozova dje Ramës te faqja e vet por që ma fshinë… për të më vjedhur autorësinë 😀 Legenat ’’, shkruan Goxhaj.
Ky nuk është krahasimi i parë që i bëhet Ramës me Korenë e Veiut pasi deklaratat e tij se do të mbajë zgjdhje dhe pa opozitën kanë nxitur reagime mjaft të forta. (E.K/SHUPLAKA)
