Në takimin e sotëm të kryeministrit Edi Rama me qytetarët e Korçës, ka qenë e pranishme edhe vajza e Petro fotografit, i cili ka realizuar fotografinë e parë të Ismail Qemalit në Vlorë, ditën e ngritjes së flamurit.
Zonja thotë se shtëpia e familjes së saj, i ka kaluar në pronësi personave të tjerë falë ndihmës nga hipoteka.
“Kam 20 vjet që po e pres këtë ditë, familja ime ka 20 vite që e prêt këtë ditë. Ne trashëgojmë shtëpinë e Petro Fotografit, që është njeri i njohur, njeri historik, që ka bërë fotografinë e parë të Ismail Qemalit në Vlorë.
Është masakruar shtëpia e tij, është dhunuar barbarisht në 97-tën, nga i foluri Renato Cepa,i lakuar emri i falsifikimit të pasaportës së Arben Frrokut. Ka ngelur ajo shtëpi 5 vjet pa ujë. Është bërë familja ime të gjithë emigrantë,
Kemi hapur gjyqe dhe e kemi bërë pronar me gjyqet që kemi bërë, vetëm më 1 gjyq që ka bërë Entela Prifti, gjykatësja në atë kohë që i bënë pronar babanë e tij dhe ia bënë dhuratë djalit.
Në hipotekë është hedhur një barrë me adresa e tjera, ku shpia e Petrot Fotografit del shumë herë në televizor dhe asnjëherë nuk del e plotë Si e kanë zaptuar edhe bufi e shikon.
Ata nisën me PD-në dhe po duan ta mbajnë atë shtëpi me miq e deputetë socialistë. Të lutem zoti kryeministër, dje 20 fletë kam shkruar por jam gjysmë bregdetase, dhe ne flasim edhe pa letër. Të lutem ktheje familjen time në shtëpinë në Korçë, në familjen ku u rritën.”, është shprehur e përlotur vajza e fotografit të famshëm. (D.D/Shuplaka)
Discussion about this post