Xhavit Sefa është një ikonë e futbollit myzeqar, ish-trajneri i Apolonisë dhe Lushnjës në një intervistë për një të përditshme ka folur plot kritika ndaj derbit të sotëm Apolonia-Lushnja.
Sefa ka rrëfyer shkarkimin e drejtuesve komunistë menjëherë pasi humbi derbin e Myzeqesë.
Më parë ka qenë shumë më ndryshe, madje ju u shkarkuat në javën e parë të kampionatit pasi humbët derbin me Apoloninë. Si ndodhi?
Unë kam qenë trajner i Lushnjës në sezonin 85’-85’. Ndeshja e parë e kampionatit ishte kundër Apolonisë dhe luhej në Fier. Ndeshjen ne e kemi humbur 3-1. Apolonia vinte nga Kategoria e Dytë, kishte humbur më parë edhe “Play offin” me Lushnjën dhe ishte shumë e karikuar si qytet dhe si skuadër. Kishte dalë në skenë brezi i artë i Majacit, Tolës dhe të tjerëve. Pas ndeshjes më komunikuan shkarkimin drejtuesit e partisë që nuk merrnin vesh nga futbolli dhe që pyesnin çdo lojtar sa gola do bësh. Në fund më thanë që ne nuk donim që të fitonte Fieri. Dhe atmosfera bënte të vetën. Kur luante Apolonia me Lushnjën stadiumet mbusheshin 2 orë para ndeshjes.
Aktualisht cili është opinioni juaj në prag të derbit Apolonia-Lushnja?
Skuadrat vijnë në këtë ndeshje me objektiva të kundërta. Lushnja synon të ruajë kryesimin, ndërsa apolonia ka ende nevojë për pikë për të siguruar 5-shen e parë. Kjo është lkehtësisht e kuptueshme.
Vitet e fundit derbi mes Apolonisë dhe Lushnjës është zbehur shumë. Si e shpjegon këtë fakt?
Mendoj se skuadrat e kësaj krahine janë shumë larg pritshmërive për sa i përket rezultateve sportive. Nuk durojnë dot garën e Superiores, bien lehtësisht nga elita. Edhe këtu ku janë prej disa vitesh garojnë në vështirësi. Kjo ka larguar shikueshmërin në stadiumet/ Dy skuadrat me 100-200 tifozë kanë mbetur në stadium, nuk vjen njeri. Më vjen keq sepse është një zonë shumë e dashur me futbollin. Është një situatë që kërkon zgjidhje dhe duhet menduar se si do të zgjidhet.
Discussion about this post