Deputeti Eduard Selami, i cili shpalli sot kandidaturën për kreun e Partisë Demokratike, duke i hapur kështu luftë Lulzim Bashës, sot tregon se si ka nisur krisja mes tij dhe kryedemokratit aktual.
I ftuar në emisionin “Top Story”, të gazetarit Sokol Balla, Selami tha se prishja e marrëdhënieve mes tij dhe Lulzim Bashës, ka ardhur që në zgjedhjet lokale në 2015-ën.
“Thyerja e fortë, që ia kam thënë zotit Basha, ndodhi në zgjedhjet lokale unë isha caktuar në njësinë nr. 2. Ne vendosëm që të bënim primare dhe zgjodhëm 27 kandidatë për këshilla bashkiakë. Kryesia do merrte vetëm 9 për këshilltarë. E di sa u morën nga këto emra? Zero. Këtë e mora si sfidë personale nga zoti Basha.”, deklaroi sot Selami. (D.D/Shuplaka)
