6 shqiptarë janë bërë shumë të njohur në Britaninë e Madhe, për shkak të mënyrës se si kanë hyrë në territorin britanik dhe janë bërë shtetas anglez.
“The Sun” shkruan se të paktën gjashtë vrasës nga Shqipëria kanë hyrë në Britaninë ne Madhe duke u hequr si refugjatë të luftës në Kosovë.
Ata janë pjesë e më shumë se 300 kriminelëve nga ky vend i vogël ballkanik që enden të lirë nëpër rrugët e Anglisë, dhe ky sipas gazetës është shqetësimi më i madh.
Personat në fjalë, konsiderohen me rrezikshmëri të lartë dhe janë të pajisur të gjithë me identitete false.
Agjencia Kombëtare Britanike e Krimit, ka bërë publik rastet dhe njofton se këta persona që kanë mashtrur me dokumentet janë pjesë e grupeve kriminale dhe trafikut të drogës që veprojnë ende nëpër rrugët e Anglisë
“Grupet shqiptare kanë ndikim të madh brenda krimit të organizuar në Mbretërinë e Bashkuar. Ata kanë kontroll të konsiderueshëm në të gjithë trafikun e drogës në Mbretërinë e Bashkuar, ndikim të veçantë kanë në tregun e kokainës”, thuhet në njoftimin e agjencisë.
Këta kriminelë, përfituan nga kaosi i krijuar në vitet 1998-99, ku mijëra kosovare u larguan gjatë konfliktit të përgjakshëm të spastrimit etnik me serbët.
Nga ana tjetër, Teno Hodaj nga Interpol Tirana, vuri në dukje se për shkak të shumë mashtrimeve të tilla, me shqiptarë të rrezikshëm që hiqeshin si refugjatë, zyrtarët e Mbretërisë së Bashkuar e kanë të pamundur të bëjnë dallimin mes shqiptarëve dhe kosovarëve “. (D.D/Shuplaka)
[ngg_images source=”galleries” container_ids=”2541″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
