Ashtu siç pritej ministri Italian i drejtësisë Andrea Orlando ka nisur sot një vizitë në vendin tonë. Vetë ministri Italian ka pasur një takim me kryeministrin Rama ku është shprehur mjaft entuziast për takimin mes të dyve, shoqëruar kjo me një foto.
“Dita e takimeve në Tiranë për të intensifikuar marrëdhëniet gjyqësore midis vendeve tona dhe për të mbështetur procesin e anëtarësimit në Bashkimin Evropian të Shqipërisë. Takim shumë pozitiv me Kryeministrin”, është shprehur mes të tjerave Orlando.
Po a është vërtet kështu si duket e gjithë situatë:
Zëra thonë se vizita e ministrit Italian vjen për shkak të ngecjeve të hetimeve në lidhje me çështjen Tahiri. Fiks në ditën e vizitës së tij në Tiranë vjen edhe bllokimi i pasaportës së ish-ministrit Saimir Tahiti.
Ministri italian do të kërkojë informacione për zhvillimin e hetimeve për dosjen e lënë në Tiranë nga kolegu i tij, ministri i Brendshëm Marco Minitti. Dosje këto që kanë të bëjnë kryesisht me trafikun e drogës nga brigjet shqiptare drejt Italisë, trafik në të cilin përfshihet edhe Habilaj.
Pikërisht në përgjimet e grubit kriminal të drejtuar nga Habilaj u dëgjua edhe emri i Tahirit si i përfshirë në trafikun e drogës, gjë e cila më pas nisi edhe fillimet e hetimeve, deri tek heqja e pasaportës sot.
Kjo lëvizje e gjykatës, pasi u la disa javë të lëvizte i lirë, duket më shumë si një lëvizje për t’i treguar autoriteteve italiane se pala shqiptare po bën diçka me çështjen Tahiri.
(E.K/FAXWEB)
Discussion about this post