Fërgesa është një recetë tipike e Shqipërisë së mesme. Kjo pjatë gatuhet në shumë mënyra si me gjizë dhe speca, speca dhe mëlçi pule ose qingji, por dhe kjo recetë e fërgesës me gjizë dhe vezë është shumë e shijshme dhe ekonomike.
Përbërësit:
300 gr gjizë
3 vezë
1 tufë majdanoz
2 thelpinj hudhër
Pak rigon
Piper
1 lugë gjelle vaj ulliri
1 lugë gjelle salcë domate
Kripë
Përgatitja:
Merrni tiganin dhe hidhni vajin dhe në të njëjtën kohë hidhni hudhrat, (thelpinj) skuqini mirë, por në zjarr të ulët. Në momentin që hudhra e ka nxjerrë aromën, shtoni salcën e domates dhe kaurdisini, lërini të skuqen në zjarr të ngadaltë. Salcën e domates do ta lini deri sa të trashet.
Në momentin që gjella është trashur shtoni majdanozin, rigonin, piperin, kripën dhe përziejini të gjitha bashkë. Më pas hidhni gjizën. Do ta kaurdisni deri sa të jetë shpërndarë e gjithë gjiza. Hidhni vezët dhe përziejini bashkë me gjellën e përgatitur.
Fërgesën lëreni deri sa të marrë dy deri në tre valë dhe fikni nxehtësinë dhe lëreni me kapak të mbyllur. Në këtë moment fërgesa është gati për t’u servirur.
Discussion about this post