Universiteti i Oxford ka prezantuar leksionet e para masive dhe të hapura të dhëna online, duke u bërë kështu institucioni arsimor më i fundit prestigjioz që i bashkohet lëvizjes se kurseve online.
Oxford, i cili zuri vendin e parë në renditjen e universiteteve për 2016-2017, njoftoi se do të ofronte kurse për ekonominë nga shkurti 2017 në partneritet me “EdX”, një platformë online e themeluar nga universiteti i Havardit dhe Instituti i Teknologjisë në Massachusetts (MIT).
Platformat e kurseve online, siç janë (https://www.coursera.org/) , edX (https://www.edx.org/) dhe Udacity (https://www.udacity.com/) në Shtetet e Bashkuara dhe FutureLearn (https://www.futurelearn.com/) në Mbretërinë e Bashkuar, kanë partneritet me qindra universitete, organizatat jo-fitimprurëse dhe institucione për ofruar këto shërbime.
Coursera dhe edX mbizotërojnë tregun e kurseve online, me 35.6% dhe 18.1% respektivisht. Në 2015-ën, Coursera kishte një total prej 17 milionë studentë të regjistrua në librat e tij. Universitetet më të mira që ofrojnë kurse online janë Tekniku i California-s, Haward, Instituti i Teknologjisë së Massatchusetts, Stanford, Sorbonne, Peking dhe më së fundi dhe Oxford, shkruan revista “Monitor”.
Kursi i hapur online i Oksfordit, Nga varfëria në Lulëzim: Të kuptuarit të Zhvillimit Ekonomik, do të udhëhiqen nga Sir Paul Collier, profesor Ekonomisë dhe Politikave Publike.
Kurset e para online nisën në vitin 2011 dhe që prej asaj kohe miliona studentë nga e gjithë bota ndjekin leksionet përmes internetit.
Krijimi i kurseve të hapura dhe online:
2011 – Universiteti i Stanford-it do të hapë tri kurse falas për këdo që ka lidhje në rrjet. Një prej tyre, kursi online për inteligjencën artificiale që jepet nga Sebastian Thrun dhe Peter Norvig, tërheq mbi 160 mijë studentë. Mbështetur nga ky sukses, Thrun dhe Nrovid ndërtuan një model biznesi për mësimdhënien online, Udacity.
2012 – popullariteti i kurseve te Stanford-it frymëzoi universitete të tjera për të dhënë kurse online dhe u zhvilluan dy platforma të reja: Coursera dhe EdX. NewYork Times do të shkruante “Viti i Kurseve Online”.
2013 – Open University krijoi platformën e saj të kurseve online FutureLearn, që ofron kurset nga universitetet e Britanisë.
2014 – Numri i universiteteve që ofronte kurse online u dyfishua në më shumë se 400. 22 nga 25 universitetet më të mira në Amerikë tashmë ofronin kurse online.
2015 – Numri i studentëve që regjistroheshin në të paktën një kurs online i kalonte 35 milionë, nga 16-18 milionë që llogariteshin në 2014.
2016 – Universiteti i Oksfordit shpalli kursin e tij të parë online, një lëvizje që do të forcojë besueshmërinë e kurseve online. (A.R/SHUPLAKA)
Discussion about this post