Si të sigurohemi që mishi që blejmë nuk është i infektuar? Specialisti: Ja çfarë duhet t’i kërkoni tregtarit

Presidenti i urdhrit të fermëerëve Thoma Puriqi ka folur në ‘Fax News’ se mënyra më e mirë për tu mbrojtur konsumatori shqiptar kur vendosë të blejë mish, është që t’i kërkojë tregtarit që t’i tregojë certifikatën me të cilën është pajisur nga instancat përgjegjëse për tregtimin e tij.

Duke folur për rolin e infermierit ai tha se shërbimi veterinar ka rolin kyç për sigurinë ushqimore dhe kontrolli duhet të nisë që tek tufa dhe jo vetëm në momentin e shitblerjes së mishit.

Ai tha se 65% e sëmundjeve vijnë nga mishi që konsumojmë dhe këtu përgjegjshmëria duhet të jetë e madhe.

“Puna duhet nisur nga kopeja, tek tufa, mjeku veterinar ëhstë i vetmi profesion. Të gjithë qytetarët të ndërgjegjësohen, kur të blejë mishin tek ai tregtari t’i thotë më jep certifikatën, duhet të alarmohet nëse nuk ka certifikatë për shitjen e mishit. Ka filliur kanceri tek të rinjtë që në moshën 15-vjeç, vigjilentë tek ushqimi të jemi”, u shpreh Puriqi.

“Nëse mikrobi i plasje të kalon në mushëkri nuk shpëton, por zakonisht kalon në sipërfaqe, mishi me plasje nuk dallohet me sy të lirë, por mjeku veterinar, ky mikrob nuk shkatërrohet as gjatë zierjes së mishit”, shtoi ai.

Puriqi tha se duhet mbështetje për veterinerët dhe rritje e standarteve profesionale pasi mjeku veteriner sot punon në kushte të vështira dhe është i keqpaguar.

“Misioni i urdhrit të mjekëve është rritja e standarteve profesionale, nëse një veteriner do ta ushtrojë plotësiht funksionin e tij, kështu vjen siguria, por duhet mbështetje, nuk mund të rrijë një mjek veteriner me dyzet mijë lek.

Mjekur veteriner është në kushte të vështira, është gjithnjë përballë rrezikut dhe i pambrojtur. Me reformën që do të bëhet pjesën më të madhe të kontrollit do ta bëjnë veterinerët privat dhe shteti do të ketë rolin e inspektimit. Inspektorët e shtetit do të kontrollojnë, si fqinji Maqedonia që përshembull e ka të përsosur këtë mekanizëm.

Mbështetja e fermerit është e domosdoshme, por nëpërmjet kësaj reforme do të jetë i garantuar edhe subvencioni”, u shpreh ndër të tjera Puriqi.