Gara me numrat duket se nuk është pika më e fortë e kryedemokratit Lulzim Basha, dhe kjo u tregua edhe pas Kuvendit të sotëm që u mbajt në Pallatin e Kongreseve në Tiranë.
Kryetari i Komisionit që ndjek punimet e Kuvendit të 18 Dhjetorit, Jemin Gjana, në fjalën e tij deklaroi se brenda sallës së Pallatit të Kongreseve ishin 5004 delagatë, nga 7646 që ka gjithsej PD.
“Nga të dhënat e regjistrimeve në të 14 komisionet e verifikimit të mandateve të delegatëve të Kuvendit, sekretariati pranë këtij komisioni ka dorëzuar të dhënat e pjesëmarrjes. Kuvendi ka gjithsej 7646 delegatë. Sipas prezencës së nënshkruar prej secilit prej tyre, janë të pranishëm në Kuvendin Kombëtar 5004 delegatë.”-tha Jemin Gjana
Por kjo është një gënjeshtër e hapur që bie ndesh me kapacitetin zyrtar të sallës së Pallatit të Kongreseve, që në faqen e Bashkisë Tiranë, ka 2100 vende.
Për të bërë gënjeshtrën sa më të besueshme, “hakerat” kanë hyrë në faqen e Wikipedia-s për të ndryshuar kapacitetin. Ata kanë vënë numrin 5400 si kapacitet maksimal, por duket që ndryshimi është bërë vetëm para një 1 ore.
Po ashtu në të gjithë të dhënat e tjera që gjenden në internet, thuhet se kapaciteti maksimal nuk i kalon 2100 persona.
Discussion about this post