Krimet e Rënda vendosën të konfiskonin së fundmi hotelin 5-katësh në qytetin e Vlorës në pronësi të shtetasit Shpëtim Brahimaj. Dyshohet se ky objekt është ndërtuar me para të pista, nga aktiviteti kriminal i dy djemëve të tij, njëri prej tyre i vrarë në një atentat të rreth dy viteve më parë.
Isuf Kokaj (Brahimaj) mbeti i vrarë pas një atentati me minë të telekomanduar më 28 gusht 2014. Pas atentatit të tij, një prej pistave të hetimit për zbulimin e atentatorëve ishin konfliktet për trafikun e drogës.
Isuf Brahimaj (Kokaj) reazultote se ishte dënuar nga autoritetet italiane dhe hollandeze për trafik ndërkombëtar lëndësh narkotike.
“Për shtetasin Isuf Brahimaj, i datëlindjes 12.08.1972, lindur në Vlorë,
– Me vendimin e Gjykatës së Apelit Lecce është deklaruar fajtor për veprën penale të “Mbajtjes dhe transportimit te lëndëve narkotike” në bashkëpunim, duke e dënuar me 5 vjet e 6 muaj burgim dhe gjobë, ndodhur më datë 20.01.2006 në Otranto.
Sipas vendimit të mësiperm, fakti kriminal për të cilën është dënuar ky shtetas është se në datë 20 janar 2006 kanë transportuar dhe mbajtur një sasi prej 351 kg lëndë narkotike e llojit marijuana e ndarë në 10 pako të fshehura në haësirën e mbrapme të mjetit tip Fiat Doblo.
– Me vendimin penal datë 14.11.1997, të Gjykatës së Apelit Milano, i cili ka marrë formë të prerë në datë 19.06.1998, i pandehuri Stojanovic Srdan i datëlindjes 12.12.1975, i njohur më vonë si Isuf Brahimaj, i datëlindjes 12.08.1972, lindur në Vlorë, është deklaruar fajtor për veprën penale të “Nxitjes, favorizimit dhe shfrytëzimit të prostitucionit në rrethana rënduese”, për fakte që datojnë në vitin 1994.”, citohet në hetimet e Prokurorisë për këtë shtetas.
(XH.A/SHUPLAKA)
Discussion about this post